Հետաքրքրական է, բայց մինչև առաջնության մեկնարկը բուքմեյքերները Իտալիայի հավաքականին չէին ներառել նույնիսկ հինգ ֆավորիտների թվում։ Ամենաշատ շանսը տրվում էր Անգլիայի, Ֆրանսիայի, Բելգիայի, ինչպես նաև Գերմանիայի և Իսպանիայի հավաքականներին։
Իտալիայի չեմպիոնության գործակիցը 11,0 էր։ Համեմատության համար նշենք, որ օրինակ Պորտուգալիայի հավաքականի հաղթանակի գործակիցը 9,0 էր։
Այն, որ Անգլիան կխաղա ԵՎՐՈ-ի եզրափակիչում, ստացել էր 3,3 գործակից։ Ռոբերտո Մանչինիի սաների՝ եզրափակիչում խաղալու համար սահմանված է եղել 7,0 գործակիցը։
Ամեն ինչ փոխվեց 1/8-րդ եզրափակիչից հետո։ Իտալիայի հաղթանակի գործակիցն ընկավ՝ հասնելով 6,0-ի։ Իտալիայի՝ եզրափակիչ դուրս գալու համար տրվել էր 3,6 գործակիցը։ Այս փուլում Իտալիայի ու Անգլիայի շանսերը գրեթե հավասարվել էին։ 3,0 գործակիցով էր գնահատվում անգլիացիների եզրափակիչ դուրս գալը։
Քառորդ եզրափակիչից հետո Մանչինիի թիմի դիրքերն ավելի ամրացան։ Հաղթանակի գործակիցը հասավ 3,0-ի, այն դեպքում, երբ անգլիացիների չեմպիոնությունը ստացավ 3,26 գործակիցը։
Իսկ ահա եզրափակիչին ընդառաջ բուքմեյքերները վերանայեցին թիմերի շանսերն ու արդյունքում անգլիացիները դարձան ֆավորիտ 1,73 գործակցով։ Իտալիայի չեմպիոնության շանսերը գնահատվեցին 2,14 գործակցով։